Fredensborg Ice ehf

Niðurstaða yfirtökutilboðs Fredensborg Ice ehf.

Þann 6. apríl 2020 gerði Fredensborg ICE ehf. hluthöfum í Heimavöllum hf. tilboð í hluti þeirra í félaginu. Gildistími yfirtökutilboðsins rann út þann 15. júní 2020 kl. 17:00. Yfirtökutilboðið var gert í samræmi við X. og XI. kafla laga nr. 108/2007 um verðbréfaviðskipti. Alls tóku 242 hluthafar tilboðinu sem áttu samtals 2.735.828.198 hluti í heimavöllum hf., eða sem nemur 24,32% hlutafjár í félaginu.

Eignarhlutur Fredensborg ICE ehf. nam 73,93% fyrir tilboðið en mun nema 98,25% af heildarhlutafé við uppgjör viðskipta eða 99,45% þegar leiðrétt hefur verið fyrir eigin hlutum. Hluthafar sem tóku tilboðinu fá greitt með reiðufé og fer greiðsla fram eigi síðar en þann 22. júní 2020 í samræmi við skilmála tilboðsins.

Fyrirtækjaráðgjöf Arctica Finance hf. var umsjónaraðili með yfirtökutilboðinu fyrir hönd Fredensborg ICE ehf.

Innlausn hluta í Heimavöllum hf.

Eftir uppgjör yfirtökutilboðs Fredensborg ICE ehf. hefur tilboðsgjafi eignast meira en 9/10 hlutafjár og atkvæðisréttar í Heimavöllum hf.

Samkvæmt 110. gr. laga nr. 108/2007 um verðbréfaviðskipti geta tilboðsgjafi og stjórn félagsins í sameiningu ákveðið að hluthafar í félaginu sæti innlausn á hlutum sínum. Fredensborg ICE ehf. og stjórn Heimavalla hf. hafa ákveðið að beita innlausnarrétti og mun hluthöfum Heimavalla hf., sem innlausnin tekur til, send tilkynning um innlausnina á næstu dögum.

Innlausnarverðið er 1,5 kr. fyrir hvern hlut í Heimavöllum hf. og greitt verður fyrir hlutina með reiðufé. Er um að ræða sama verð og Fredensborg ICE ehf. bauð hluthöfum Heimavalla hf. í yfirtökutilboði sem lauk 15. júní 2020, sem telst sanngjarnt innlausnarverð, sbr. 3. málsliður 1. mgr. 110. gr. laga nr. 108/2007 um verðbréfaviðskipti.

 

 

Greinagerð stjórnar Heimavalla hf. vegna yfirtökutilboðs Fredensborg ICE ehf.

 Greinagerð stjórnar Heimavalla hf.

Tilboðsyfirlit vegna yfirtökutilboðs Fredensborg ICE ehf.

Þann 2. apríl 2020 tilkynnti Fredensborg ICE ehf. í fjölmiðlum að félagið mundi birta tilboðsyfirlit vegna yfirtökutilboðs í alla hluti hluthafa í Heimavöllum hf., kt. 440315-1190, þann 6. apríl 2020. Yfirtökutilboð Fredensborg ICE ehf. ásamt enskri þýðingu þess er hér að neðan.

Framangreind gögn verða einnig aðgengileg á heimasíðu umsjónaraðila yfirtökutilboðsins, Arctica Finance, www.arctica.is  og munu hluthafar sem hyggjast taka tilboðinu geta samþykkt það í gegnum sömu heimasíðu. 

Tilboðsyfirlit á Íslensku

Ensk þýðing:

Offer document - English translation

 Frekari upplýsingar veitir

Jón Þór Sigurvinsson,

forstöðumaður fyrirtækjaráðgjafar Arctica Finance

jons@arctica.is / S:895-9242

Arctica Finance

Höfðatorg, 15. Hæð

105 Reykjavík